بسم الله الرحمن الرحيم
اللي خلص مذاكرة ومراجعة لكامل المنهج .. وفي آخر يومين محتار وش يراجع، هالاشياء ممكن يراجعها لان لابد تجي بالاختبار، وهي مرتبة حسب الأهم فالمهم من وجهة نظري:
- مراجعة متى يتم فرض الزكاة ومتى يتم فرض ضريبة دخل ومتى استقطاع
( فيه جدول مختصر موجود في الحقيبة ) ويجب أن تكون فاهم الجدول ليس مجرد حفظ عشان إذا جتك أي حالة تقدر تحلها ..
- حل سؤال مقالي شركة مختلطة
- حل سؤال مقالي استقطاع
- حل سؤال احتساب اهلاك بطريقة المجموعات
- حل سؤال غرامات ضريبة دخل وضريبة استقطاع وقيمة مضافة وانتقائية
- مراجعة النسب والمدد، مثلا: نسب الزكاة التقديرية، وفترات تقديم إقرار ضريبة القيمة المضافة
- مراجعة النظري مثل التعداد وغيره، خاصة في الغرامات والعقوبات وشروط الإقامة..الخ
- حل سؤال احتساب اهلاك بطريقة القسط الثابت
ثانيًا نصائح عامة:
-انتبهوا من التشتت في الساعات الأخيرة قبل الاختبار أو ليلة الاختبار، لأن المعلومات الجديدة ممكن تلخبطك؛ لذلك ركز على اللي انت فاهمه ولا توتر نفسك ..
-الاختياري ٥٤ سؤال ..
المقالي ٣ أسئلة بس طبعا ممكن يكون فيها فقرات يعني ممكن مجموعها يكون ٥-٧ أسئلة ..
- توزيع الوقت مهم ياجماعة خاصة في هالمادة لان غالبا الاسئلة تحتاج لها حل، بالاضافة ان الاختياري والمقالي مع بعض بوقت واحد؛ لذلك وزعوا الوقت كويس مرررة .. بين الاختياري والمقالي .. لايروح الوقت ع شيء ع حساب شيء آخر .. و
إذا وزعت الوقت نفس اللي بالصورة بيكون كويس .. وممكن تزيد شوي للمقالي وتقلل من وقت الاختياري بحكم إنه احيانا بالمقالي نحتاج شوية وقت لين نقرأ السؤال ونعرف المطلوب، لكن لا يسبب لكم موضوع توزيع الوقت توتر بالقاعة ..و تذكر ان غرضك هو إدارة وقتك وليس للتوتر ..
-اذا ماراح توزع نفس توزيع الهيئة للوقت بين الاختياري والمقالي وانت اصلا بديت في الحل بالاختياري قبل المقالي .. ضروري مررررة تنتبه للوقت أكثر.. لا تجي على نهاية الوقت وتتوتر وتبي تكتب! لأن مشكلة المقالي اذا ماقريت السؤال وفهمته مابتقدر تكتب اي كلام عكس الاختياري حتى لو ماقريته بتختار إجابة من الموجود قدامك وممكن تصدف تصير صح..
-اذا تشوف نفسك كويس في النظري.. اذا جيت للاختياري .. ابدأ فيه بالاسئلة النظرية، انتهي منها كلها ثم حل الاختياري العملي .. عشان تكسب درجات في الاختياري ..
-في الاختياري السؤال اللي تحس موضوعه مانت متمكن منه وبياخذ منك وقت عديه وخليه للاخير ..
- السؤال الاختياري اللي ياخذ وقت طويل لحله، اجله أيضا للأخير حتى لو تعرف حله لأنه بياخذ منك وقت على حساب بقية الأسئلة خاصة أن درجات الاختياري المتعارف عليه إنها نفس الدرجة لكل سؤال..
-المقالي وزن الدرجة يعتمد على الوقت المخصص لكل سؤال، يعني اللي عليه وقت اطول عليه درجات اعلى ..بس لا تمسك خط بسؤال واحد وتنسى الباقي
- وفي المقالي أفضل شيء تبدا بالسؤال اللي وقته اطول(لكن لا تتجاوز الوقت) و اذا كان اللي وقته طويل وما تعرف تحله روح للي بعده.. انتبه يضيع وقتك بكثرة التفكير .. حل السؤال اللي انت فاهمه .. السؤال اللي مو فاهمه خليه لبعدين ..
-في المقالي لا تترك سؤال فاضي ابدا .. على الأقل لو ماعرفت تحله عملي .. اكتبه لو بشكل نظري ..5 دقايق للاجابة على الاختياري اللي تركته فاضي .. لايخلص الوقت وفيه اسئلة بدون اجابة.. هالنقطة مرة - -خصص آخر 3 مهمة،حطها بطريقة عشوائية مثلا كل الأسئلة الفاضية حط إجابتها أ ..ولا تفكر بهالوقت الضايع إنك تبدأ تحلل سؤال وتفكر فيه لأنه بيخلص الوقت وعندك أسئلة تركتها فاضية..
-اللي اول اختبار لهم قوا قلوبكم ولاتخافوا لانكم ماتعرفوا كيف بتكون طريقة عرض الاسئلة بالجهاز.. لان قبل الاختبار فيه تعليمات وشرح على الجهاز لكل شيء ..
وايضا خلف الدفتر اللي بتحل فيه المقالي ..تعليمات لطريقة كتابة حل الاسئلة المقالية فلاتشيلوا هم (اقروها قبل يبدا الامتحان)
-التوتر هو اللي يضيع كل شيء .. تذكر مجهودك اللي عملته خلال الفترة اللي راحت و لاتسمح إنه يضيع بسبب توتر لحظات ..
- قبل تدخل القاعة ادعي ربي، ثم تذكر شيء يسعدك .. هالشيء بيخفف عليك كثير، ولا تنسى إن مجرد دخولك اليوم للاختبار هو بحد ذاته انجاز لك، وإنك سويت اللي عليك الفترة الماضية، واليوم بتقدم اللي عندك، والباقي على ربي .. فخل ثقتك فيه كبيرة لأن كل شيء بيصير معك هو خيرة لك ..
- اذا رحت للاختبار لا تنسى الهوية + رقم الزمالة والهيئة توفر بقية الأشياء لك من أقلام وآلة حاسبة..
تمنياتي لكم بالتوفيق ..
